♥ Har Khamoshi Ka Matlab Inkaar Nahi Hota,Har Nakamiabi Ka Matlab Haar Nahi Hota....To Kya Agar Hum Tumko Paa Na Sake,Sirf Paane Ka Matlab Pyar Nahi Hota ♥

'તમે’ ફક્ત તમે જ છો….

‘તમે ‘, ‘તમે’ ફ્ક્ત તમે જ છો,
મારા હ્યદયમાં દસ્તક દેનાર ‘તમે’ છો,
મારાં સ્વપ્નોમાં-વિચારોમાં હરહંમેશ રહેતા ‘તમે’ જ છો,
મારી આંખોના દરેક પલકારે આવતા-જતા’તમે’ જ છો,
મારી આંખોના દરેક વહેતા અશ્રુમાં ‘તમે’ જ છો,
મારા તન-મનમાં રોમ-રોમમાં સમાયેલા ‘તમે’ જ છો,
મારા હ્યદયને હચમચાવનાર,
ભાન ભુલાવનાર-મારી ઊંઘ બગાડનાર ‘તમે’ જ છો,
જાગતાં-ઊંઘતાં,ઊઠતાં-બેસતાં,
મારા મનને વલોવનાર ‘તમે’ જ છો,
મારા જીવનમાં ઓજસ પાથરનાર ‘તમે’ જ છો,
દૂર-દૂર રહીને મારા મનને તડપાવનાર પણ ‘તમે’ જ છો,
‘તમે’,'તમે’ ફક્ત તમે જ છો….

હ્યદય

હ્યદય ઉપવન બની ગયું, તમે આવ્યા પછી,
મન મધુવન બની ગયું, તમે આવ્યા પછી,
જીવન મારું હતું વેરાન વગડા જેવું,
ખંડેર હવે ભવન બની ગયું, તમે આવ્યા પછી,
પ્રેમ પારસમણિ છે થઇ ખાતરી મને,
કથીર કંચન બની ગયું, તમે આવ્યા પછી,
લાખો દુઃખોથી ભરેલી મારી જિંદગી હતી,
સુંદર જીવન બની ગયું, તમે આવ્યા પછી,
તમારો પ્રેમ પામી ધન્ય બની ગયો,
દિલ પાવન બની ગયું, તમે આવ્યા પછી…

પ્રેમ તો જુનો છે

પ્રેમ તો જુનો છે પણ કોણ કબુલાત કરે ?
પ્રેમમાં શબ્દો થકી કોણ રજુઆત કરે ?
વાત કરવાને છીએ બન્ને તત્પર,
પણ કોણ વાતની શરુઆત કરે ?